Gratë e fshatrave të komunës së Klinës trajnohen me temën Avokim
Klinë -15 Mars- Organizata joqeveritare Syri i Vizionit ka realizuar trajnimin një ditor me temën Avokim, ky trajnim është organizuar për grupin e grave të fshatit Dugujevë me qëllim që të kenë sa më shumë njohuri se si të avokojnë dhe si të përdorin forma sa më të mira avokuese për zgjedhjen e problemeve me të cilat ballafaqohen grupet e grave nëpër fshatra.
Gjatë trajnimit grupi i grave kanë shprehur pakënaqësi të shumta që nuk po ju jepet shumë hapësirë për veprim femrave sidomos grave të zonave rurale. Po ashtu ato kanë shpreh edhe mos interesimin e institucioneve për të rritur numrin e femrave pjesëmarrëse në vendimmarrje. Grupi i grave gjatë trajnimeve të ardhshme ato do të kenë mundësi të ndjekjes së trajnimit mbi lidershipin dhe qeverisjen e mirë. Këto aktivitete janë pjesë e projektit Qytetaria Aktive që organizata Syri i Vizionit prej tri vjetësh është duke e realizuar në komunat e regjionit të Pejës dhe Prizrenit dhe mbështetet nga Olof Plame Center International dhe SIDA.